【我們都該擺脫被原生家庭的情感勒索】
呢幾個月我諗大家都見識到
原生家庭對自己嘅情緒同生活可以有幾大影響
前兩日朋友間又講起藍絲父母問題
每晚對住藍絲父母真係會令人靈魂被耗盡
然後其中一個智慧型朋友講咗句：
I should and I could decide who is my family.
對啊，我哋應該要擺脫原生家庭帶嚟嘅枷鎖
由中學時讀中西文化大不同時
我已經好確定我係支持西方嘅個人主義。
子女唔係玩具，做父母唔係玩緊煮飯仔
父母從來都唔應該控制子女嘅人生
但我哋活喺傳統東方社會，
家庭同孝順概念一直騎劫住我哋嘅人生
於是父母再壞，都要感激養育之恩
家庭造成幾多心靈創傷，都要珍惜呢個家。
從來無人關心你夢想有無完成
童年過得開唔開心，心靈成長得完唔完整
大家只關心你有無孝順父母，有無交家用
子女嘅感受從來都係被忽略無視。
我受夠了。
我受夠被呢種「天下無不是之父母」嘅戇尻童話故事，勒索住我嘅情感同人生。
我亦覺得被「孝順」兩字綁架人生而覺得窒息
如果要等到父母百年歸老先能夠活出自己
到時自己都半百，如此一來未免太過可悲。
//
不過喺香港，獨立並唔只係思想生活嘅獨立
最重要係需要經濟上嘅獨立，
先換到脫離原生家庭嘅真正獨立自主。
Freedom is not free in Hong Kong. FML
IG：@hkgirlfriend
FB：港女友
Search